Президенттик администрациянын коллегиясы бир топ аткаминерди иштен алды
© Фото / пресс-служба кабинета министров КР / Эргеш Жусубалиев
Жазылуу
БИШКЕК, 21-фев. — Sputnik. Президенттик администрациянын коллегиясынын жыйынтыгы боюнча министрлер кабинетинин төрагасы Адылбек Касымалиев билим берүү жана илим министри Догдуркүл Кендирбаевага эскертүү берип, жаратылыш ресурстары, экология жана техникалык көзөмөл министри Медер Машиевге сөгүш жарылады.
Мындан тышкары, коллегия бир катар аткаминерлерге кызматтык милдеттерин аткарбагандыгы, негизсиз кызматтык иш сапарларга чыгышы жана мекемелердин иш пландарын талаптагыдай жүргүзбөгөндүгү үчүн төмөнкүдөй тартиптик чаралар колдонулду.
Алсак кызматтан бошотуу чарасы:
айыл чарба министринин орун басары Алмаз Сокеев;
билим берүү министринин орун басары Расул Абазбек уулу;
Билим берүү жана илим министрлигинин лицензиялоо секторунун башчысынын милдетин аткаруучу Дамира Алибаева;
Баткен районунун акиминин биринчи орун басары Таалайбек Ибраимов;
Баткен районунун акиминин орун басары Кишимжан Кыдырова;
Кадамжай районунун акиминин орун басары Меерихан Асанова;
Токтогул районунун акиминин орун басары Айна Нават кызы;
Нарын районунун акиминин биринчи орун басары Т.С. Кулешов;
Талас районунун акиминин орун басары Адилет Жолдошев;
Кара-Кулжа районунун акиминин орун басары М.С. Кокоев.
Ошондой эле президентке төмөнкү акимдерди иштен алуу сунушталды:
Ак-Суу районунун жетекчиси Мунарбек Насиров;
Баткен районунун акими Учкунбек Жоробаев;
Базар-Коргон районунун акими Мирлан Карагулов;
Араван районунун башчысы Сейтек Кулубаев;
Ноокат районунун акими Жакыпбек Субагожоев;
Талас районунун акими Нургазы Нармырзаев;
Манас районунун башчысы Досмамбет Жээнбеков.
Мындан тышкары, Каракол шаарынын мэри Фархат Алжамбаевге орун басары Гүлназ Орозованы жана аким Нуридин Мадимаровго Нарын районунун администрациясынын аппарат жетекчиси Жыпар Жээналиеваны иштен алууну тапшырды.
