https://sputnik.kg/20250311/sadyk-ali-nazarov-kyrgyzstandan-chykkan-sovetter-soyuzunun-baatyry-1092562473.html
Садык Али-Назаров — Кыргызстандан чыккан Советтер Союзунун Баатыры
Садык Али-Назаров — Кыргызстандан чыккан Советтер Союзунун Баатыры
Sputnik Кыргызстан
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кезектеги кыргызстандык тууралуу баян. 11.03.2025, Sputnik Кыргызстан
2025-03-11T20:03+0600
2025-03-11T20:03+0600
2025-03-11T20:03+0600
улуу ата мекендик согуштагы жеңишке 80 жыл
ссср
улуу ата мекендик согуш
эрдик
эскерүү
кыргызстан
садык али-назаров
https://sputnik.kg/img/07e9/02/18/1092261052_0:351:1600:1251_1920x0_80_0_0_06e7868e429cf0d7ad267e14b46b94d6.jpg
Кызыл армиячы Садык Али-Назаров.Ал 1914-жылы жумушчунун үй-бүлөсүндө туулган. 1942-жылы Кызыл Армиянын катарына чакырылып, 1943-жылдын августунда Улуу Ата Мекендик согушка кирет.Катардагы жоокер Али-Назаров Днепр дарыясын кечип өтүүдө өзгөчөлөнгөн. Тагыраагы, 25-сентябрга караган түнү биринчилерден болуп суудан өтөт да, полк бөлүктөрүнүн ошол жерден орун алышын пулемет менен камсыздап турган. Бул Окуниново (Козелец району, Чернигов облусу) кыштагынын жанында болгон.Кийинки эки суткада Али-Назаров плацдармды кармап туруу үчүн согушта душмандын жөө аскерлеринин танка менен жасаган 12 контрчабуулунун мизин кайтарган. Алардын биринде биздин каарман жоокер оң тарабына чыгып, пулеметтун мөндүрдөй жааган огу менен душмандын улам кысып киришин токтотуп турган. Ок-дарысы түгөнгөн соң жанын оозуна тиштеп гитлерчилердин аймагына кирип барып, пулемет жана анын окторун чебердик менен алып, кайтып келип кармашты уланткан. Бул согушта душмандын бир взводго чейинки аскерлерин жок кылган.Эгерде Али-Назаров оңтойлуу кылып позиция тандабаганда отряд таңга жетпей кырылып калат беле, ким билсин. Десантчылар фашисттер менен эки күн кармашат, ал эми алардын 20 аскери менен офицерин жок кылган пулеметчу Садык куралын эки күн колунан түшүргөн эмес. Ошентип, каарман жоокерлер Днепрди алышкан.Киевдин түндүгүрөөк тарабынан Днепрди ийгиликтүү өтүп, Батыш жээгинде плацдармды бекемдеп жана бул согушта көрсөткөн каармандыгы, эр жүрөктүүлүгү үчүн Али-Назаровго Советтер Союзунун Баатыры наамы жана Ленин ордени, Алтын Жылдыз медалы ыйгарылган. Мындан сырткары, 1941-1945-жылдардагы Улуу Ата Мекендик согушта Германияны жеңгени үчүн медалы, 1941-1945-жылдардагы Улуу Ата Мекендик согушка 20 жыл юбилейлик медалы менен сыйланган.Согуштан кийин Али-Назаров мекенине кайтып келип, Фрунзе (азыркы Бишкек) шаарында иштеп жана жашайт. Пулеметчу 1969-жылы 7-мартта көз жумган.Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Садык Али-Назаров да бар.Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
https://sputnik.kg/20250310/1092549078.html
ссср
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, эрдик, эскерүү, кыргызстан, садык али-назаров
ссср, улуу ата мекендик согуш, эрдик, эскерүү, кыргызстан, садык али-назаров
Садык Али-Назаров — Кыргызстандан чыккан Советтер Союзунун Баатыры
Улуу Ата Мекендик согуштагы Жеңиштин 80 жылдыгына карата майданда эрдик көрсөтүп, Баатыр наамы ыйгарылган кезектеги кыргызстандык тууралуу баян.
Кызыл армиячы Садык Али-Назаров.
Ал 1914-жылы жумушчунун үй-бүлөсүндө туулган. 1942-жылы Кызыл Армиянын катарына чакырылып, 1943-жылдын августунда Улуу Ата Мекендик согушка кирет.
Катардагы жоокер Али-Назаров Днепр дарыясын кечип өтүүдө өзгөчөлөнгөн. Тагыраагы, 25-сентябрга караган түнү биринчилерден болуп суудан өтөт да, полк бөлүктөрүнүн ошол жерден орун алышын пулемет менен камсыздап турган. Бул Окуниново (Козелец району, Чернигов облусу) кыштагынын жанында болгон.
Кийинки эки суткада Али-Назаров плацдармды кармап туруу үчүн согушта душмандын жөө аскерлеринин танка менен жасаган 12 контрчабуулунун мизин кайтарган. Алардын биринде биздин каарман жоокер оң тарабына чыгып, пулеметтун мөндүрдөй жааган огу менен душмандын улам кысып киришин токтотуп турган. Ок-дарысы түгөнгөн соң жанын оозуна тиштеп гитлерчилердин аймагына кирип барып, пулемет жана анын окторун чебердик менен алып, кайтып келип кармашты уланткан. Бул согушта душмандын бир взводго чейинки аскерлерин жок кылган.
Эгерде Али-Назаров оңтойлуу кылып позиция тандабаганда отряд таңга жетпей кырылып калат беле, ким билсин. Десантчылар фашисттер менен эки күн кармашат, ал эми алардын 20 аскери менен офицерин жок кылган пулеметчу Садык куралын эки күн колунан түшүргөн эмес. Ошентип, каарман жоокерлер Днепрди алышкан.
Киевдин түндүгүрөөк тарабынан Днепрди ийгиликтүү өтүп, Батыш жээгинде плацдармды бекемдеп жана бул согушта көрсөткөн каармандыгы, эр жүрөктүүлүгү үчүн Али-Назаровго Советтер Союзунун Баатыры наамы жана Ленин ордени, Алтын Жылдыз медалы ыйгарылган. Мындан сырткары, 1941-1945-жылдардагы Улуу Ата Мекендик согушта Германияны жеңгени үчүн медалы, 1941-1945-жылдардагы Улуу Ата Мекендик согушка 20 жыл юбилейлик медалы менен сыйланган.
Согуштан кийин Али-Назаров мекенине кайтып келип, Фрунзе (азыркы Бишкек) шаарында иштеп жана жашайт. Пулеметчу 1969-жылы 7-мартта көз жумган.
Маалымат үчүн: Улуу Ата Мекендик согуш 1 418 күнгө созулган. Согуш жылдарында СССР 26,6 миллион адамынан ажыраган. Алардын ичинен 8,7 миллиондон ашууну согуш талаасында курман болгон, 7,42 миллион адам оккупацияланган аймактарда фашисттер тарабынан атайылап жок кылынган. 4,1 миллиондон ашыгы оккупациялык режимдин катаал шарттарынан көз жумган.
Кыргыз ССРинен Улуу Ата Мекендик согушка 365 миң адам катышып, 152 миңден ашууну курман болгон. Калганы ар кайсы жылдары кайтып келген. Бул кандуу кагылыштарда тайманбастыгы, баатырдыгы үчүн 150 миңдей командир жана жоокерлер орден-медалдар менен сыйланган, 21 кыргызстандыкка Даңк орденинин толук кавалери, ал эми 70тен ашуун жараныбызга эң жогорку — Советтер Союзунун Баатыры наамы ыйгарылган. Булардын ичинде биз жогоруда сөз кылган Садык Али-Назаров да бар.
Материал ачык маалыматтардын, КР Куралдуу күчтөрүнүн жана "Герои страны" сайтындагы материалдардын негизинде жазылды.
