Канадалык Ричард Уэсли аттуу мергенчи өзүнүн аз жерден аюуга жем болуп кала жаздаганын видеого тартып, адаттан тыш окуяга туш болгонун RT сайтына шилтеме берип РИА Новости жазды.
Видеодо көрүнүп тургайдай, алгач Уэсли жырткыч ага көңүл бөлбөй өтүп кетет деп үмүттөнгөн. Бирок аюу болбой эле аны көздөй келе жатканда катуу кыйкырып менен коркутууга аракет кылган. Мында колунда турган жаанын дагы пайдасы тийген эмес.
Бактыга жараша, мергенчи жырткычтан качып аман калган.
"Чыканагымды эле бир аз оорутуп алганым болбосо, жараат алган жокмун. Бирок корктум", — деп Уэсли өз видеосуна комментарий жазды.
Анын айтымында, бул окуядан кийин ал аюунун табышмактуу жаныбар экенине толугу менен ынанган.
