БИШКЕК, 10-апр. — Sputnik. Мексика бийлиги ФБР эң көп убакыт изделген жана манжа менен санай турган кылмышкердин бирин камакка алды. Бул туурасында РИА Новости CNN телеканалына шилтеме кылып маалымат берди.
33 жаштагы Бренда Делгадо Техаста мурдагы сүйгөнүнүн жаңы ашыгын өлтүрүүнү уюштургандан кийин бир нече ай жашырынып жүргөн. Иликтөө жыйынтыктары АКШнын аймагынан чыгып кеткенден кийин Делгадонун шериктери 2015-жылы күйөөсүнүн көңүлдөшүн 2-сентябрда атып өлтүргөндүгүн көрсөттү.
Мексика бийлиги аны ФБР эң көп изделген 10 кылмышкердин катарына кошкондон эки күн өткөндөн кийин дароо кармаган. Ал колго түшүп жатканда каршылык көрсөткөн эмес. Ал тууралуу маалымат бергендерге ФБР 100 миң доллар убада кылган.
АКШда аны өлүм жазасы күтүп турат, бирок, Мексика мындай өкүмгө каршы чыгып жатат. CNN маалыматтарында, Даллас бийлиги анын жанын кыйбай, өмүр бою түрмөгө отургузууга убада берип жатат.
Делгадо — ФБР эң көп изделген кылмышкерлердин тизмесинде тогузунчу болуп турган аял. Бул тизме 1950-жылдан тарта түзүлө баштаган.
