БИШКЕК, 26-авг. — Sputnik. Популярдуу YouTube видео порталынын мүмкүнчүлүктөрү кеңейтилип, социалдык тармакка айланып бара жаткандыгы тууралуу VentureBeat со өзүнүн ишенимдүү булактарына шилтеме берүү менен жазып чыкты.
Басылмадагы маалыматка караганда жакынкы аралыкта сайтта Backstage аттуу жаңы бөлүм ачылып, ал аркылуу блоггерлер өзүнүн аудиториясы менен видео аркылуу гана эмес, кыска тексттик билдирмелер менен сүрөттөр аркылуу дагы байланыша алышат.
YouTube каналынан видео көргөн колдонуучулар башка социалдык тармактарга бөлүшүп, ошол жактан талкуулап келишет. Мындан улам каналдын түзүүчүлөрү колдонуучулар үчүн баарлашуучу аянтча түзүүнү көздөп жатышат.
Мындай жаңы өзгөрүүлөр күз айларынын экинчи жарымында ишке ашары айтылат.
