БИШКЕК, 4-дек. — Sputnik. Кочкор районунун Шопур-Булак тилкесинде Honda CR-V менен Mercedes-Benz Sprinter үлгүсүндөгү автоунаалар кагышып бир ымыркай чарчап калды. Бул тууралуу ӨКМ билдирди.
Жол кырсыгы Бишкек — Нарын — Торугарт жолунун 215-чыкырымында 2-декабрь күнү саат 21:49да болгон.
"Honda CR-V унаасында төрт адам болгон. Кырсыктын кесепетинен анын ичиндеги 2017-жылы туулган ымыркай чарчап калган. Ал эми Mercedes-Benz Sprinter үлгүсүндөгү унаада үч киши бара жаткан", — деп айтылат билдирүүдө.
ӨКМ куткаруучулары жаракат алгандарды тез жардам кызматына өткөрүп беришкен. Алар Кочкор райондук ооруканасынын кайра жандандыруу бөлүмүнө жеткирилген.
