https://sputnik.kg/20250204/ak-j-usaid-uyumunun-yksyz-chygymdaryn-korsottu-1091847785.html
Ак үй USAID уюмунун ыксыз чыгымдарын көрсөттү. Графика
Ак үй USAID уюмунун ыксыз чыгымдарын көрсөттү. Графика
Sputnik Кыргызстан
БИШКЕК, 4-фев. — Sputnik. Ак үй АКШнын Эл аралык өнүктүрүү боюнча агенттигинин (USAID) "эң эле ыксыз" чыгымдарын тизмектеди. Бул тууралуу РИА Новости кабарлап... 04.02.2025, Sputnik Кыргызстан
2025-02-04T19:08+0600
2025-02-04T19:08+0600
2025-02-04T19:08+0600
дүйнөдө
акш
usaid
акча
трансгендер
долбоор
программа
https://sputnik.kg/img/07e9/02/04/1091848372_0:159:3072:1887_1920x0_80_0_0_e54272e71582dc3d5211f3788d6761f5.jpg
БИШКЕК, 4-фев. — Sputnik. Ак үй АКШнын Эл аралык өнүктүрүү боюнча агенттигинин (USAID) "эң эле ыксыз" чыгымдарын тизмектеди. Бул тууралуу РИА Новости кабарлап, графикасын жарыялаган.Эскерте кетсек, учурда USAID реорганизация процессинде, чет мамлекеттерге бөлүнүп келген жардамдын өлкө кызыкчылыгына жооп берер-бербеси талданып жатат. Буга чейинки маалыматтарда агенттик террордук уюмдарга да колдоо көрсөтүп келгени айтылган.Булардын катарында террордук топ деп таанылган коммерциялык эмес уюмдарга багытталган жана АКШ менен Россияда террордук деп табылган "Аль-Каида"* менен байланыштуу сириялык согушкерлердин тамак-ашы үчүн жүз миңдеген доллар бөлүнгөн долбоор бар.АКШнын жаңы администрациясы USAID уюмунун чет мамлекеттерде трансгендерлердин укугуна байланышкан долбоорлорду каржылаганына да нааразы. Буга мисал катары Колумбияда "трансгендердик операга" 47 миң, Перудагы "трансгендердик комикстерге" 32 миң доллар бөлүнгөнү келтирилген.Америка элинин акчасынан жүз миллиондогон доллар Афганстанда ирригация каналдарын казып, үрөн сатып алууга жумшалган. Ак үй мунун баары героин өнүрүүгө пайдаланылып келгенин белгиледи. Дагы 70 миң долларды агенттик Ирландиядагы "ар түрдүүлүк, тең укуктуулук жана инклюзия" саясатын илгерилетүүчү мюзиклге короткон.USAID мамлекеттик сатып алуулардагы расмий маалыматтарды келтирбестен, ЖМКларга жарыяланган макалаларга шилтеме берип койгон.Эскерте кетсек, буга чейин АКШ президенти Дональд Трамп USAID агенттигин далай ирет сындап, америкалыктардын акчасын өлкөнүн кызыкчылыгына төп келбеген долбоорлорго жумшап жатканын айткан.* Россия жана Кыргызстанда ишмердүүлүгүнө тыюу салынган террордук топ
https://sputnik.kg/20250203/usaid-akyldan-tajgan-radikaldardyn-zheteginde-kalgan-1091814524.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, акш, usaid, акча, трансгендер, долбоор, программа
дүйнөдө, акш, usaid, акча, трансгендер, долбоор, программа
БИШКЕК, 4-фев. — Sputnik. Ак үй АКШнын Эл аралык өнүктүрүү боюнча агенттигинин (USAID) "эң эле ыксыз" чыгымдарын тизмектеди. Бул тууралуу
РИА Новости кабарлап, графикасын жарыялаган.
Эскерте кетсек, учурда USAID реорганизация процессинде, чет мамлекеттерге бөлүнүп келген жардамдын өлкө кызыкчылыгына жооп берер-бербеси талданып жатат. Буга чейинки маалыматтарда агенттик террордук уюмдарга да колдоо көрсөтүп келгени айтылган.
"АКШнын Эл аралык өнүктүрүү агенттиги ондогон жылдар бою америкалыктардын алдында отчет берген эмес. Ири суммадагы акча ыксыз, айрым учурда кылмыштуу, бюрократияга белчесинен баткандардын сүйүктүү долбоорлоруна жумшалган. Эч кандай көзөмөл болгон эмес", — деп айтылат билдирүүдө.
Булардын катарында террордук топ деп таанылган коммерциялык эмес уюмдарга багытталган жана АКШ менен Россияда террордук деп табылган "Аль-Каида"* менен байланыштуу сириялык согушкерлердин тамак-ашы үчүн жүз миңдеген доллар бөлүнгөн долбоор бар.
АКШнын жаңы администрациясы USAID уюмунун чет мамлекеттерде трансгендерлердин укугуна байланышкан долбоорлорду каржылаганына да нааразы. Буга мисал катары Колумбияда "трансгендердик операга" 47 миң, Перудагы "трансгендердик комикстерге" 32 миң доллар бөлүнгөнү келтирилген.
Америка элинин акчасынан жүз миллиондогон доллар Афганстанда ирригация каналдарын казып, үрөн сатып алууга жумшалган. Ак үй мунун баары героин өнүрүүгө пайдаланылып келгенин белгиледи. Дагы 70 миң долларды агенттик Ирландиядагы "ар түрдүүлүк, тең укуктуулук жана инклюзия" саясатын илгерилетүүчү мюзиклге короткон.
USAID мамлекеттик сатып алуулардагы расмий маалыматтарды келтирбестен, ЖМКларга жарыяланган макалаларга шилтеме берип койгон.
Эскерте кетсек, буга чейин АКШ президенти Дональд Трамп USAID агенттигин далай ирет сындап, америкалыктардын акчасын өлкөнүн кызыкчылыгына төп келбеген долбоорлорго жумшап жатканын айткан.
* Россия жана Кыргызстанда ишмердүүлүгүнө тыюу салынган террордук топ
