https://sputnik.kg/20250213/zheke-zhaktar-deklaratsiya-salyk-kodeksi-1092054299.html
Жеке жактар декларация тапшырбайт. Салык кодексине кирген өзгөртүүлөр
Жеке жактар декларация тапшырбайт. Салык кодексине кирген өзгөртүүлөр
Sputnik Кыргызстан
БИШКЕК, 13-фев. — Sputnik. Кыргызстандын Салык кодексине олуттуу өзгөртүүлөр киргизилди. Бул тууралуу президенттин маалымат кызматы кабарлады. 13.02.2025, Sputnik Кыргызстан
2025-02-13T19:30+0600
2025-02-13T19:30+0600
2025-02-14T09:41+0600
кыргызстан
салык
кодекс
өзгөртүү
https://sputnik.kg/img/07e6/01/12/1061334346_0:161:3067:1886_1920x0_80_0_0_2889e2f70cc850c1ef2744d82e360e14.jpg
БИШКЕК, 13-фев. — Sputnik. Кыргызстандын Салык кодексине олуттуу өзгөртүүлөр киргизилди. Бул тууралуу президенттин маалымат кызматы кабарлады.Тийиштүү мыйзамга Садыр Жапаров кол койгон.Киргизилген өзгөртүүлөрдүн тизмеси:Жеке жактар үчүн жалпы декларацияны жокко чыгарууЖеке жактар үчүн бирдиктүү салык декларациясын алып салуу салыктык тескөө процессин жөнөкөйлөтүп, жарандарга бюрократиялык жүктү азайтат. Мындай чечим заманбап маалыматтык технологияларды активдүү колдонуу жана маалымат чогултуу процесстерин автоматташтыруу зарылчылыгы менен шартталган.Таксисттер жана курьерлер үчүн киреше салыгынын ставкасын 1 пайыз өлчөмүндө белгилөөЖеке жактарды көмүскөдөн чыгаруу үчүн патенттик системанын ордуна салык төлөөчүлөрдүн бул категориясынын ишмердүүлүгүнө 1 пайыздык киреше салыгы алынат. Бул салыктын төлөөчүсү салык агенти — буйрутмалар үчүн колдонулган маалыматтык системага жетүүнү камсыз кылган уюм болот."Нөлдүк" отчетторду жокко чыгарууЭгерде салык төлөөчүнүн отчеттук мезгил үчүн салыктык милдеттенмеси болбосо, анда "нөлдүк" отчетту берүү талап кылынбайт.Макулатураны жана металл калдыктарын сатуудан киреше салыгынан бошотууТүзөтүүлөр киргизилгенге чейин салык агенттери макулатураны жана металл сыныктарын кабыл алууда жеке жактардан киреше салыгынын 10 пайызын кармап турган. Эми бул товарларды сатууда салыктан бошотулат. Ошондой эле айнек, айнек идиш, айнек камтыган буюмдар, полипропилен, полиэтилен, пластмасса жана полиэтилентерефталат кабыл алуу менен иштегендер киреше салыгын төлөөдөн бошотулат.Айыл чарба продукциясын сатууда чекене соода түйүндөрүнүн жеңилдиктериАйыл чарба өндүрүүчүлөрү, кооперативдери же айыл чарба продукциясынын соода-логистикалык борборлору катары катталган салык төлөөчүлөрдөн сатып алынган ата мекендик айыл чарба продукциясын сатуучу чекене соода түйүндөрү КНСтин 80 пайызын төлөөдөн бошотулат.Айыл чарба өндүрүүчүлөрү үчүн бонустук жеңилдиктерАйыл чарба өндүрүүчүлөрү айыл чарба муктаждыктары үчүн пайдаланылган жер астындагы сууларды чыгаргандыгы (жер казынасынан алуу) үчүн бонус төлөөдөн бошотулат.Кыргызстанда чогултулган же чыгарылган автотранспорт каражаттарынын ээлерин алгачкы каттоо үчүн жыйым төлөөдөн бошотууАвтоунаа чыгаруу долбоорун ишке ашыруунун алкагында “Тулпар Моторс” заводу автоунааларды чогултуп, чыгарат. Транспорт каражаттарын каттоодо сатып алуучуларды жыйым төлөөдөн бошотуу автоунааны сатып алууну арзандататКыргызстандын Эреже бузуулар жөнүндөгү кодексине киргизилген негизги өзгөртүүлөр:Башка жакка катталган төлөм системаларын пайдалануу боюнча административдик чараларЭгерде жеке ишкер же юридикалык жак башка жактын атына катталган төлөм системалары аркылуу товарларга же кызмат көрсөтүүлөргө төлөмдөрдү кабыл алса, анда бул үчүн төмөнкүдөй айыптар каралган:биринчи эреже бузуу үчүн —эскертүү;кайталап бузулса: жеке жактарга — 20 000 сом, юридикалык жактарга — 65 000 сом.Акциздик маркалары жок же жасалма акциздик маркалар менен акциздик продукцияны жүгүртүүгө айып пулдун өлчөмүн жогорулатуу2016-жылы акциздик маркалары жок же алардын жасалмалары менен акциздик товарларды мыйзамсыз сатуу үчүн айыптар мыйзамсыз алкоголдук жана тамеки буюмдарын сатуу фактыларынын көбөйүшүнө байланыштуу эки эсеге көбөйдү.“КР Салык кодексин күчүнө киргизүү жөнүндө” Кыргызстандын мыйзамына киргизилген негизги өзгөртүүлөр:2025-жылдын 1-июлуна чейин курулуш компаниялары үчүн бирдиктүү салыкка өтүүТурак жай жана турак эмес имараттарды куруу менен алектенген субъектилер 2025-жылдын 1-июлуна чейин салык салуунун башка режимине өтүү жөнүндө арыз бере алышат.Салык төлөөчүлөрдүн бул категориясы үчүн бирдиктүү салыктын ставкалары да белгиленген:6 пайыз — накталай төлөмдөр үчүн;4 пайыз - накталай эмес төлөмдөр үчүн.Автотранспорт каражаттарын реэкспорттоо үчүн жеке жактардан салык карыздарын эсептен чыгарууЖеке жактар (жеке ишкерлерди кошпогондо) 2022-жылдын 1-январынан 2025-жылдын 1-январына чейинки мезгилде транспорт каражаттарын алып келүүдө жана сатууда алынган кирешелер боюнча пайыздарды жана туумдарды кошо алганда, салыктык карыздардан бошотулат (эгер транспорт алардын менчигинде бир жылга жетпеген убакта болсо).Алгачкы эсепке алуу документтери жок калган товарларды мыйзамдаштырууБаштапкы эсепке алуу документтери жок товарларга салык төлөөчүлөрдү салык агентинин жоопкерчилигинен жана милдеттеринен, мындай товарлар жөнүндө маалыматтарды ыйгарым укуктуу салык органынын маалыматтык системасына 1-жылдын 2025-апрелине чейин киргизүү шартында бошотуу. Бирок буга төмөнкүлөр кирбейт:алкоголдук продукциялар, тамеки буюмдары, дары-дармек каражаттары, медициналык буюмдар, баалуу металлдардан жасалган зер буюмдар;ТЭИ ТН 2710197100-2710199800 коддорундагы майлоочу майларды жана башка майларды кошпогондо, мунай жана мунай азыктары;салыктык текшерүүнүн натыйжалары жөнүндө салык кызматынын органынын чечимдери бар, аларга карата соттун мыйзамдуу күчүнө кирген чечимдери бар товарлар.Мыйзам айрым жоболорду кошпогондо 2025-жылдын 1-январынан тартып күчүнө кирет.
https://sputnik.kg/20250211/kyrgyzstan-eaeb-ekonomika-salyk-1091989783.html
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, салык, кодекс, өзгөртүү
кыргызстан, салык, кодекс, өзгөртүү
БИШКЕК, 13-фев. — Sputnik. Кыргызстандын Салык кодексине олуттуу өзгөртүүлөр киргизилди. Бул тууралуу президенттин маалымат кызматы кабарлады.
Тийиштүү мыйзамга Садыр Жапаров кол койгон.
Киргизилген өзгөртүүлөрдүн тизмеси:
Жеке жактар үчүн жалпы декларацияны жокко чыгаруу
Жеке жактар үчүн бирдиктүү салык декларациясын алып салуу салыктык тескөө процессин жөнөкөйлөтүп, жарандарга бюрократиялык жүктү азайтат. Мындай чечим заманбап маалыматтык технологияларды активдүү колдонуу жана маалымат чогултуу процесстерин автоматташтыруу зарылчылыгы менен шартталган.
Таксисттер жана курьерлер үчүн киреше салыгынын ставкасын 1 пайыз өлчөмүндө белгилөө
Жеке жактарды көмүскөдөн чыгаруу үчүн патенттик системанын ордуна салык төлөөчүлөрдүн бул категориясынын ишмердүүлүгүнө 1 пайыздык киреше салыгы алынат. Бул салыктын төлөөчүсү салык агенти — буйрутмалар үчүн колдонулган маалыматтык системага жетүүнү камсыз кылган уюм болот.
"Нөлдүк" отчетторду жокко чыгаруу
Эгерде салык төлөөчүнүн отчеттук мезгил үчүн салыктык милдеттенмеси болбосо, анда "нөлдүк" отчетту берүү талап кылынбайт.
Макулатураны жана металл калдыктарын сатуудан киреше салыгынан бошотуу
Түзөтүүлөр киргизилгенге чейин салык агенттери макулатураны жана металл сыныктарын кабыл алууда жеке жактардан киреше салыгынын 10 пайызын кармап турган. Эми бул товарларды сатууда салыктан бошотулат. Ошондой эле айнек, айнек идиш, айнек камтыган буюмдар, полипропилен, полиэтилен, пластмасса жана полиэтилентерефталат кабыл алуу менен иштегендер киреше салыгын төлөөдөн бошотулат.
Айыл чарба продукциясын сатууда чекене соода түйүндөрүнүн жеңилдиктери
Айыл чарба өндүрүүчүлөрү, кооперативдери же айыл чарба продукциясынын соода-логистикалык борборлору катары катталган салык төлөөчүлөрдөн сатып алынган ата мекендик айыл чарба продукциясын сатуучу чекене соода түйүндөрү КНСтин 80 пайызын төлөөдөн бошотулат.
Айыл чарба өндүрүүчүлөрү үчүн бонустук жеңилдиктер
Айыл чарба өндүрүүчүлөрү айыл чарба муктаждыктары үчүн пайдаланылган жер астындагы сууларды чыгаргандыгы (жер казынасынан алуу) үчүн бонус төлөөдөн бошотулат.
Кыргызстанда чогултулган же чыгарылган автотранспорт каражаттарынын ээлерин алгачкы каттоо үчүн жыйым төлөөдөн бошотуу
Автоунаа чыгаруу долбоорун ишке ашыруунун алкагында “Тулпар Моторс” заводу автоунааларды чогултуп, чыгарат. Транспорт каражаттарын каттоодо сатып алуучуларды жыйым төлөөдөн бошотуу автоунааны сатып алууну арзандатат
Кыргызстандын Эреже бузуулар жөнүндөгү кодексине киргизилген негизги өзгөртүүлөр:
Башка жакка катталган төлөм системаларын пайдалануу боюнча административдик чаралар
Эгерде жеке ишкер же юридикалык жак башка жактын атына катталган төлөм системалары аркылуу товарларга же кызмат көрсөтүүлөргө төлөмдөрдү кабыл алса, анда бул үчүн төмөнкүдөй айыптар каралган:
биринчи эреже бузуу үчүн —эскертүү;
кайталап бузулса: жеке жактарга — 20 000 сом, юридикалык жактарга — 65 000 сом.
Акциздик маркалары жок же жасалма акциздик маркалар менен акциздик продукцияны жүгүртүүгө айып пулдун өлчөмүн жогорулатуу
2016-жылы акциздик маркалары жок же алардын жасалмалары менен акциздик товарларды мыйзамсыз сатуу үчүн айыптар мыйзамсыз алкоголдук жана тамеки буюмдарын сатуу фактыларынын көбөйүшүнө байланыштуу эки эсеге көбөйдү.
“КР Салык кодексин күчүнө киргизүү жөнүндө” Кыргызстандын мыйзамына киргизилген негизги өзгөртүүлөр:
2025-жылдын 1-июлуна чейин курулуш компаниялары үчүн бирдиктүү салыкка өтүү
Турак жай жана турак эмес имараттарды куруу менен алектенген субъектилер 2025-жылдын 1-июлуна чейин салык салуунун башка режимине өтүү жөнүндө арыз бере алышат.
Салык төлөөчүлөрдүн бул категориясы үчүн бирдиктүү салыктын ставкалары да белгиленген:
6 пайыз — накталай төлөмдөр үчүн;
4 пайыз - накталай эмес төлөмдөр үчүн.
Автотранспорт каражаттарын реэкспорттоо үчүн жеке жактардан салык карыздарын эсептен чыгаруу
Жеке жактар (жеке ишкерлерди кошпогондо) 2022-жылдын 1-январынан 2025-жылдын 1-январына чейинки мезгилде транспорт каражаттарын алып келүүдө жана сатууда алынган кирешелер боюнча пайыздарды жана туумдарды кошо алганда, салыктык карыздардан бошотулат (эгер транспорт алардын менчигинде бир жылга жетпеген убакта болсо).
Алгачкы эсепке алуу документтери жок калган товарларды мыйзамдаштыруу
Баштапкы эсепке алуу документтери жок товарларга салык төлөөчүлөрдү салык агентинин жоопкерчилигинен жана милдеттеринен, мындай товарлар жөнүндө маалыматтарды ыйгарым укуктуу салык органынын маалыматтык системасына 1-жылдын 2025-апрелине чейин киргизүү шартында бошотуу.
Бирок буга төмөнкүлөр кирбейт:
алкоголдук продукциялар, тамеки буюмдары, дары-дармек каражаттары, медициналык буюмдар, баалуу металлдардан жасалган зер буюмдар;
ТЭИ ТН 2710197100-2710199800 коддорундагы майлоочу майларды жана башка майларды кошпогондо, мунай жана мунай азыктары;
салыктык текшерүүнүн натыйжалары жөнүндө салык кызматынын органынын чечимдери бар, аларга карата соттун мыйзамдуу күчүнө кирген чечимдери бар товарлар.
Мыйзам айрым жоболорду кошпогондо 2025-жылдын 1-январынан тартып күчүнө кирет.
