https://sputnik.kg/20250401/rossiya-natogo-kutpogon-zherden-chabuul-kojdu-1093036771.html
Россия НАТОго күтпөгөн жерден чабуул койду. Альянстын учурдагы абалына сереп
Россия НАТОго күтпөгөн жерден чабуул койду. Альянстын учурдагы абалына сереп
Sputnik Кыргызстан
Россиялык чабуулчулар Гоголевканы бошотуп, десантчылар Суджадагы чек ара бекетине РФ желегин илип жаткан маалда Брюссель көз алдында кыйрап бараткан НАТОну... 01.04.2025, Sputnik Кыргызстан
2025-04-01T19:09+0600
2025-04-01T19:09+0600
2025-04-01T19:09+0600
россиянын донбассты коргоо боюнча атайын операциясы
дүйнөдө
акш
европа
украина
нато
россия
чабуул
стратегиялык өнөктөш
коопсуздук
https://sputnik.kg/img/07e9/03/1f/1093023534_0:45:1296:774_1920x0_80_0_0_88a9ab76fcc139e456de3e4d97edfb3a.png
Түндүк атлантикалык альянстын учурдагы абалына россиялык журналист Виктория Никифорова сереп салып, макаланы РИА Новости жарыялады."Альянс азыркыдай кризиске дегеле учурап көргөн эмес. Эгер Трамптын администрациясы НАТОдон чыгам десе, эч ким таң калбайт", — деп жазды Foreign Affairs басылмасы.Коңгуроо эбактан эле кагылып келе жаткан, болгону азыр доошу катуулап калды.Февралда АКШнын коргоо министри Пит Хегсет союздаштарына: "Бүгүнкү күндүн стратегиялык реалдуулугу АКШга биринчи кезекте Европанын коопсуздугуна кам көрүүгө мүмкүнчүлүк бербей жатат. Европалык союздаштарыбыз континенттин коопсуздугун өз алдынча камсыздашы керек", — деп так кесе айтты.Андан кийин АКШ Россияны "Украинага кирип барды" деп күнөөлөгөн европалык резолюцияны колдоодон баш тартып, Трамп БУУдан НАТОго каршы экенин көрсөттү. Буга катар эле америкалык администрация НАТО боюнча өнөктөш болгон Даниядан Гренландияны тартып алууга аракет кылып, иш кыйла тездик менен жүрүп жатат.Мартта альянстын өзөгүн түзүп турган башкы союздаштар — Германия менен АКШ уруша кетти. Германиянын боло турган канцлери Фридрих Мерц Трамптын ушу турушундагы мамилесинен улам "НАТО тууралуу кеп кылуу мүмкүн болбой каларын" айткан.Отко майды Signal чатындагы Трамптын үзөңгүлөштөрү чачты бейм. АКШнын коргоо министри, өлкөнүн вице-президенти жана бир катар үлкөндөр биринен сала бири "жүдөмүш" Европаны кандай жек көрөрүн, аны каржылоодон тажаганын айтышкан.Мындан бир эле жыл мурун батыш пропагандасы НАТОнун бузулгус биримдигин айтып бүтө албай, атайын операциясы менен блокту ого бетер күчтөнткөн орустарды шылдыңдап турду эле. Кырдаалдын канчалык өзгөрүп кеткенин караңызчы?Альянстын биримдигин даңазалаган эксперттер дароо кубулуп, "НАТОнун АКШсыз жашоосу үчүн" жаңы рецепттерди ойлоп таап жатышат. Кудум эт кошпой тамак жасоочудай...Альянстын абалы оорлошуп кеткенине эмне себеп? Америкалыктар Европа аларды НАТОго СССРден коргонуу деген амал менен сүйрөп кирген деген пикирде. Алгачкы мезгилдерде европалыктар ири армия түзүп, курал-жарак укмуштуудай ылдамдык менен өндүрүлүп жаткан. Бул жагдайдан улам АКШ Европанын коопсуздугуна алагды болбой Корея менен Вьетнамда ээн-эркин согушуп келген.Бирок убакыттын өтүшү менен Европа америкалыктарды алдап кетти: армия болуп көрбөгөндөй кыскарып, курал-жарак өндүрүүнүн ордуна аны АКШдан сатып ала баштады. Натыйжада союздаштар Вашингтондун мойнуна минип алып, эч нерсе кылбай жакшы жашаганга өттү. Эми Америка Кытай менен каршылашууга киришкенде европалыктар бутка илешип жолтоо болууда.Мындай пикирге, албетте, Европа макул эмес. "Курал-жаракты АКШдан сатып алууга бизди өзүңөр мажбурлабадыңар беле. Эч кандай күнөөбүз жок" деп жатат.Кандай болгон күндө да эгер АКШ НАТОдон чыгып кете турган болсо, Евробиримдик аскердик жаатта жыпжылаңач калары анык.Foreign Affairs АКШ кете турган болсо НАТОдо коргонуу үчүн эмне жетишсиз экенин көптөн бери айтып келет. Тизмеде чалгын үчүн спутник системалары, деңиз кемелери, авиация, техника, курал-жарак, учкучсуз учуучу аппараттар, ЖИ системалары бар. Мындан тышкары, катардагы жоокерден баштап офицерлерге чейин тартыш. Инфраструктура каралбай калган. Бомбалоодон коргонуучу жайлар жок. Снаряд жетпейт. Мээ жетпейт. Айтор, санай берсе көп эле нерсе жетпейт.Мындай алып караганда, мээден башкасынын баарын сатып алса, жасай салса болот. Бирок бул үчүн акча керек. Өтө көп акча зарыл. АКШ НАТОдон чыгып кете турган болсо коргонууну мурунку деңгээлинде кармап туруу үчүн эле европалыктар азыр төлөп жаткан суммадан үч эсе көп каражат сарпташы керек болот.Акча жыттана түшөрү менен Урсула фон дер Ляйен жандана түштү. Анткен менен коргонуу облигациялары аркылуу жүздөгөн миллиард евро ала туруу планы альянстын ансыз да карызга белчесинен баткан өлкөлөрүн суй жыгылтты.Франция, Италия, Испания, Португалия, Греция Россиядан делген жок коркунучтан коргонуу үчүн милдетин эселеп жогорулатуудан пайда көрбөй турушат. Өзүнчө ой жүгүртүп көнүп калган Венгрия менен Словакия да буга даяр эмес. Азырынча Австрия кандай позицияда экени белгисиз.Европалыктар өздөрүн кандай деп алдаса да альянстын кыйроосу ошолордун жоопкерчилигинде. Украинанын Куралдуу күчтөрүн колдоо менен ЕБ Украинаны эле эмес, бүтүндөй НАТОну да кыйроого учуратты. Каржылоосун мындан ары уланта берсе өзүн-өзү өлтүрүүгө тете болот. Демек, Трамп командасы менен акылдан тайган өнөктөштөрүнөн алыстап жатканы кадыресе көрүнүш.Ал эми Украина россиялык баатырлардын эрдигинен улам жеңилүүгө дуушар болду. Кайсы бир деңгээлде дал ушул баатырлар легендага айланган НАТО блогун четинен кыйратууда.
https://sputnik.kg/20250328/moskva-evropa-menen-ishteshuugo-dayar-1092944474.html
https://sputnik.kg/20250202/amerika-zhasalma-intellekt-kytaj-1091758239.html
акш
европа
украина
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Виктория Никифорова
https://sputnik.kg/img/07e8/02/0c/1082638801_183:0:405:222_100x100_80_0_0_c2ba56ad525738c704949fa7e475ec9e.png
Виктория Никифорова
https://sputnik.kg/img/07e8/02/0c/1082638801_183:0:405:222_100x100_80_0_0_c2ba56ad525738c704949fa7e475ec9e.png
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Виктория Никифорова
https://sputnik.kg/img/07e8/02/0c/1082638801_183:0:405:222_100x100_80_0_0_c2ba56ad525738c704949fa7e475ec9e.png
дүйнөдө, акш, европа, украина, нато, россия, чабуул, стратегиялык өнөктөш, коопсуздук, атайын операция, колумнистика, колумнисттер
дүйнөдө, акш, европа, украина, нато, россия, чабуул, стратегиялык өнөктөш, коопсуздук, атайын операция, колумнистика, колумнисттер
Россия НАТОго күтпөгөн жерден чабуул койду. Альянстын учурдагы абалына сереп
Россиялык чабуулчулар Гоголевканы бошотуп, десантчылар Суджадагы чек ара бекетине РФ желегин илип жаткан маалда Брюссель көз алдында кыйрап бараткан НАТОну карап, 75 жыл бою кынтыксыз иштеп келе жаткан "машина" эмне үчүн жүрбөй жатканын түшүнбөй эси ооп турат.
Түндүк атлантикалык альянстын учурдагы абалына россиялык журналист Виктория Никифорова сереп салып, макаланы
РИА Новости жарыялады.
"Альянс азыркыдай кризиске дегеле учурап көргөн эмес. Эгер Трамптын администрациясы НАТОдон чыгам десе, эч ким таң калбайт", — деп жазды Foreign Affairs басылмасы.
Коңгуроо эбактан эле кагылып келе жаткан, болгону азыр доошу катуулап калды.
Февралда АКШнын коргоо министри Пит Хегсет союздаштарына: "Бүгүнкү күндүн стратегиялык реалдуулугу АКШга биринчи кезекте Европанын коопсуздугуна кам көрүүгө мүмкүнчүлүк бербей жатат. Европалык союздаштарыбыз континенттин коопсуздугун өз алдынча камсыздашы керек", — деп так кесе айтты.
Андан кийин АКШ Россияны "Украинага кирип барды" деп күнөөлөгөн европалык резолюцияны колдоодон баш тартып, Трамп БУУдан НАТОго каршы экенин көрсөттү. Буга катар эле америкалык администрация НАТО боюнча өнөктөш болгон Даниядан Гренландияны тартып алууга аракет кылып, иш кыйла тездик менен жүрүп жатат.
Мартта альянстын өзөгүн түзүп турган башкы союздаштар — Германия менен АКШ уруша кетти. Германиянын боло турган канцлери Фридрих Мерц Трамптын ушу турушундагы мамилесинен улам "НАТО тууралуу кеп кылуу мүмкүн болбой каларын" айткан.
Отко майды Signal чатындагы Трамптын үзөңгүлөштөрү чачты бейм. АКШнын коргоо министри, өлкөнүн вице-президенти жана бир катар үлкөндөр биринен сала бири "жүдөмүш" Европаны кандай жек көрөрүн, аны каржылоодон тажаганын айтышкан.
Мындан бир эле жыл мурун батыш пропагандасы НАТОнун бузулгус биримдигин айтып бүтө албай, атайын операциясы менен блокту ого бетер күчтөнткөн орустарды шылдыңдап турду эле. Кырдаалдын канчалык өзгөрүп кеткенин караңызчы?
Альянстын биримдигин даңазалаган эксперттер дароо кубулуп, "НАТОнун АКШсыз жашоосу үчүн" жаңы рецепттерди ойлоп таап жатышат. Кудум эт кошпой тамак жасоочудай...
Альянстын абалы оорлошуп кеткенине эмне себеп? Америкалыктар Европа аларды НАТОго СССРден коргонуу деген амал менен сүйрөп кирген деген пикирде. Алгачкы мезгилдерде европалыктар ири армия түзүп, курал-жарак укмуштуудай ылдамдык менен өндүрүлүп жаткан. Бул жагдайдан улам АКШ Европанын коопсуздугуна алагды болбой Корея менен Вьетнамда ээн-эркин согушуп келген.
Бирок убакыттын өтүшү менен Европа америкалыктарды алдап кетти: армия болуп көрбөгөндөй кыскарып, курал-жарак өндүрүүнүн ордуна аны АКШдан сатып ала баштады. Натыйжада союздаштар Вашингтондун мойнуна минип алып, эч нерсе кылбай жакшы жашаганга өттү. Эми Америка Кытай менен каршылашууга киришкенде европалыктар бутка илешип жолтоо болууда.
Мындай пикирге, албетте, Европа макул эмес. "Курал-жаракты АКШдан сатып алууга бизди өзүңөр мажбурлабадыңар беле. Эч кандай күнөөбүз жок" деп жатат.
Кандай болгон күндө да эгер АКШ НАТОдон чыгып кете турган болсо, Евробиримдик аскердик жаатта жыпжылаңач калары анык.
Foreign Affairs АКШ кете турган болсо НАТОдо коргонуу үчүн эмне жетишсиз экенин көптөн бери айтып келет. Тизмеде чалгын үчүн спутник системалары, деңиз кемелери, авиация, техника, курал-жарак, учкучсуз учуучу аппараттар, ЖИ системалары бар. Мындан тышкары, катардагы жоокерден баштап офицерлерге чейин тартыш. Инфраструктура каралбай калган. Бомбалоодон коргонуучу жайлар жок. Снаряд жетпейт. Мээ жетпейт. Айтор, санай берсе көп эле нерсе жетпейт.
Мындай алып караганда, мээден башкасынын баарын сатып алса, жасай салса болот. Бирок бул үчүн акча керек. Өтө көп акча зарыл. АКШ НАТОдон чыгып кете турган болсо коргонууну мурунку деңгээлинде кармап туруу үчүн эле европалыктар азыр төлөп жаткан суммадан үч эсе көп каражат сарпташы керек болот.
Акча жыттана түшөрү менен Урсула фон дер Ляйен жандана түштү. Анткен менен коргонуу облигациялары аркылуу жүздөгөн миллиард евро ала туруу планы альянстын ансыз да карызга белчесинен баткан өлкөлөрүн суй жыгылтты.
Франция, Италия, Испания, Португалия, Греция Россиядан делген жок коркунучтан коргонуу үчүн милдетин эселеп жогорулатуудан пайда көрбөй турушат. Өзүнчө ой жүгүртүп көнүп калган Венгрия менен Словакия да буга даяр эмес. Азырынча Австрия кандай позицияда экени белгисиз.
Европалыктар өздөрүн кандай деп алдаса да альянстын кыйроосу ошолордун жоопкерчилигинде. Украинанын Куралдуу күчтөрүн колдоо менен ЕБ Украинаны эле эмес, бүтүндөй НАТОну да кыйроого учуратты. Каржылоосун мындан ары уланта берсе өзүн-өзү өлтүрүүгө тете болот. Демек, Трамп командасы менен акылдан тайган өнөктөштөрүнөн алыстап жатканы кадыресе көрүнүш.
Ал эми Украина россиялык баатырлардын эрдигинен улам жеңилүүгө дуушар болду. Кайсы бир деңгээлде дал ушул баатырлар легендага айланган НАТО блогун четинен кыйратууда.
