Аны эскерип, шакирттеринин бири, журналист, конфликтолог Чолпон Орозобекова Sputnik Кыргызстан агенттигине пикирин билдирди.
"Мелис Эшимкановдун журналистикадагы орду толгус экени каза болгонуна канча жыл өтсө да билинип жатат. Адамгерчиликтүү жетекчи болучу. Анын мүнөзүндөгү карама-каршылыктуу жактарын айтып сындагандар бар, бирок мен үчүн позитивдүү жагы эсте калды", — деди ал.
"Азыр эл аралык басылмалар, радиолор журналисттерди тарбиялап жатат. Бирок бир дагы жеке журналист ал кишидей болуп жаштарды тарбиялап, жогорку деңгээлдеги гезитти чыгара албады. Ошентип Эшимкановдун ордун эч ким баса алган жок", — деди Орозобекова. 2011-жылдын 15-сентябрда коомдук ишмер, белгилүү журналист Мелис Эшимканов 48 жашында каза болгон. Дарыгерлер анын жүрөк оорудан көз жумгандыгын айтышкан.
