Sputnik Кыргызстан агенттиги Көчмөндөрдүн дүйнөлүк III оюндарын даярдоо жана өткөрүү боюнча катчылыгы, Жаштар иши, дене тарбия жана спорт агенттиги менен биргеликте спортчулар күч сынашчу мелдеш түрлөрүнүн эрежелерин даярдоодо. Бул ирет армрестлинг менен тааныштырабыз.
Армрестлинг мелдеши жеке, командалык жана жеке-командалык болуп үчкө бөлүнүп өткөрүлөт.
Жеке күрөшкөндө биринчи орун — 10 упай, экинчи — 7 упай, үчүнчү — 5 упай, төртүнчү — 4, бешинчи — 3, алтынчы — 2 упай, жетинчи — 1 упай болуп саналат.
Командалык күрөштө биринчи орун — 25 упай, экинчи — 17, үчүнчү — 9, төртүнчү — 5, бешинчи — 3, алтынчы — 2 упай, жетинчи — 1 упай деп эсептелет.
Салмак категория боюнча жеңүүчүнү аныктоонун тартиби
Эгер эсеп саны тең чыгып калса салмагы жеңилирээк болгон спортчу утушта болот. Ал эми экөөнүн тең салмагы бирдей чыкса, финалдык таймаштан кийин кайра таразага түшөт да, салмагы аз чыкканы жеңүүчү болот. Анда да эки спортчунун көрсөткүчтөрү бирдей болуп калса, анда тең чыкты деп бааланат.
Мелдештин эрежеси
Кармаш үзгүлтүккө учураса же эскертүү берилсе катышуучулар 30 секунддук эс алууга укуктуу. Биринчи тынымдан кийин спортчулардын колдорун атайын кур менен байлайт.
Эскертүү кайсы учурда берилет?
— реферинин буйругун үч жолу аткарбаса;
— убакытан мурда баштаса;
— чыканак койгон жерден чыканак тайып кетсе;
— башы, ийини менен ортоңку сызыктан эки жолу өтүп кетсе;
— башы же өзүнүн ийини менен атаандашынын ийинине тийишсе же колун кармаса;
— экинчи колу менен столдун кармоочун кармабай бошотуп жана столдун башка жеринен кармаса;
Эки жолу эскертүү алган спортчу жеңилди деп табылат. Ичимдик ичип, наркотикалык каражаттарды колдонгон спортчу мелдешке киргизилбейт.
Апелляцияга берүүнүн тартиби
Дүйнөлүк көчмөндөрдүн III оюндары 2018-жылдын 2-сентябрында Чолпон-Ата шаарындагы ат майданда башталат. Мелдештин курамына спорттун 37 түрү кирип, 79 өлкөнүн 2300 спортчусу күч сынашмай болду. Спорттун түрлөрүнө 15 мамлекеттин улуттук оюндары киргизилген.
