БИШКЕК, 8-янв. — Sputnik. Бейшемби күнү, 9-январда, республикада күндүз жаан-чачын жаабайт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 3-8 метрден Ысык-Көл акваториясында 15-20 метрге жетет.
Билдирүүгө ылайык, абанын температурасы Чүй, Талас жергесинде 0...-5, Ысык-Көл аймагында -4…+1, Ош, Баткен, Жалал-Абад облустарында +1…+6 градус жылыйт. Ал эми Нарында -10...-15 градус суук болот.
Күндүн табы борборубуз Бишкекте -1...-3 суук, Ош калаасында +2...+4 градус жылуу болору болжолдонду.
