БИШКЕК, 17-фев. — Sputnik. Бишкекте өтө турган хоккей боюнча дүйнө чемпионатынын төртүнчү дивизионунда Кыргызстан кайсы мамлекет менен качан ойной турганы белгилүү болду.
Бүгүн, 17-февралда, Жаштар иши, дене тарбия жана спорт агенттиги менен КРдин Хоккей федерациясынын өкүлдөрү мелдешти өткөрүүгө даярдык тууралуу маалымат беришти.
Федерациянын вице-президенти Элзар Болотбековдун айтымында, Кыргызстан Филиппин, Малайзия жана Кувейт менен ойнойт. Уткан команда төртүнчү дивизиондон үчүнчү дивизионго өтөт.
Оюндун программасы төмөнкүдөй:
3-март
- 17:00 - Малайзия — Кувейт;
- 20:00 - Кыргызстан — Филиппин;
4-март
- 17:00 - Филиппин-Кувейт;
- 20:00 - Кыргызстан-Малайзия;
5-март
- 15:00 - Филиппин — Малайзия;
- 18:00 - Кыргызстан — Кувейт.
Шайба менен хоккей ойноо боюнча дүйнө чемпионаты 3-5-март күндөрү Бишкектеги шаардык муз аянтчада өтөт.
