https://sputnik.kg/20210212/maksat-toktomushev-syrtka-chykpoo-1051429059.html

Үй камагы эмес. Максат ажы Токтомушев сыртка чыкпоого милдеттендирилди

Үй камагы эмес. Максат ажы Токтомушев сыртка чыкпоого милдеттендирилди

Sputnik Кыргызстан

Баш коргоо чарасын тандоо үчүн экс-муфтий кечээ кечинде сотко алып келинип, түндө саат 1:00 чамасында чечим чыкты. 12.02.2021, Sputnik Кыргызстан

2021-02-12T09:49+0600

2021-02-12T09:49+0600

2021-12-14T14:27+0600

жаңылыктар

коом

кыргызстан

муфтияттагы чуулуу иш

максатбек ажы токтомушев

сот

тил кат

чечим

https://sputnik.kg/img/104106/80/1041068050_0:179:6016:3580_1920x0_80_0_0_a8f1499918e5c137d7b5cb6b8db96325.jpg

БИШКЕК, 12-фев. — Sputnik. Мурдагы муфтий Максат ажы Токтомушев сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы кабарлады.Экс-муфтийдин баш коргоо чарасын тандоо үчүн ал кечээ кечинде сотко алып келинип, түндө саат 1:00 чамасында чечим чыкты. Билдирмеге караганда, Башкы прокуратуранын Ыкчам-издөө иштерин жана тергөөнү көзөмөлдөө боюнча башкармалыгынын прокурорунун өтүнүчүн сот четке каккан. Ага ылайык, Токтомушев сыртка чыкпоо милдетин алды.Ал сотко чейинки жана соттук иштер аяктаганга чейин туруктуу жашаган жерин тергөөчүнүн, прокурордун, соттун уруксатысыз которууга жана башка жакка кетүүгө тыюу салынат. Сотко жана тергөөгө чакырылган учурда белгиленген мөөнөттө келип турушу шарт.Эскерте кетсек, 10-февралда УКМК Кыргызстан мусулмандарынын дин башкармалыгынын кызматкерлери зыяратчылардан түшкөн акчаны жеке кызыкчылыгы үчүн пайдаланганын ачыкка чыгарып, мекеменин эсепчисин кармаган. Атайын кызмат тараткан билдирүүдө муфтияттагылар ишти жаап-жашыруу үчүн 100 миң доллар пара сунуштаганы да айтылган. Ушул эле күнү Максатбек Токтомушев дагы кармалганын УКМКдан билдиришкен.

https://sputnik.kg/20210211/maksat-azhy-toktomushev-turaluu-9-fakty-1051421531.html

2021

Жаңылыктар

kg_KG

жаңылыктар, коом, кыргызстан, муфтияттагы чуулуу иш, максатбек ажы токтомушев, сот, тил кат, чечим