БИШКЕК, 18-сен. — Sputnik. Экс-президент Сооронбай Жээнбеков УКМКнын Башкы тергөө башкармалыгына сурак берип чыкты. Бул тууралуу жакындары билдирди.
Мурдагы мамлекет башчы бүгүн, 18-сентябрда, Кумтөр кенине байланыштуу ачылган сотко чейинки өндүрүштүн алкагында суракка чакырылган.
Ал 12-августта дагы күбө катары чакырылып, премьер-министр болуп турган кездеги "Кумтөр" кенине байланыштуу суроолорго жооп берген. Бүгүн да ошол маселенин айланасында суроолорго жооп берери айтылган.
