Бишкекте апрель айында кандай батирлер арзандады
19:39 03.05.2024 (Жаңыртылды: 11:25 04.05.2024)
Жазылуу
Sputnik Кыргызстан ачык булактардын негизинде Бишкектеги батирлердин баасына ай сайын көз салып турат. Биз ар кандай типтеги батирлердин баа диапазонун жана орточо наркын жарыялайбыз. Ошондой эле ичин өзү жасап алчу турак жайлардын баасы боюнча статистика сунушталат.
Бул материалдан 2024-жылдын апрель айында Бишкек шаарындагы батирлердин баасы кандай өзгөргөнүн биле аласыз. Мында 809 жарыяга анализ жасалган.
Кыймылсыз мүлк рыногунда кырдаал бүдөмүк. Үч бөлмөлүү батирлердин, айрыкча үч бөлмөлүү "хрущевка", жеке типтеги жана ичин өзү жасап алчу батирлердин баасы төмөндөп жатат.
Ал эми ичин өзү жасап алчу бир бөлмөлүү жана эки бөлмөлүү батирлердин баасы бир аз жогорулады. Ай ичинде батирлердин башка түрлөрүнүн баасы бир аз өзгөрдү.
Ачык булактардын маалыматы боюнча, март айында бир бөлмөлүү батирлердин орточо баасы төмөнкүдөй болду:
104-серия — 51 500 доллар (40 000 - 56 500 доллар арасы);
105-серия — 47 500 (32 000 - 59 500);
106-серия — 53 000 (35 500 - 64 000);
"хрущевка" — 46 000 (30 800 - 57 500);
индивидуалдуу типтегилер — 46 200 (18 100 - 77 200);
элиталык (ичин өзү жасап алган) — 47 400 (27 500 - 85 400).
Эки бөлмөлүү батирлердин орточо баасы:
104-серия — 60 400 доллар (54 000 - 71 500 доллар арасы);
105-серия — 68 800 (51 000 - 78 000);
106-серия — 68 200 (50 000 - 95 000);
"хрущевка" — 54 500 (57 100 - 63 000);
индивидуалдуу типтегилер — 65 000 (15 000 - 115 000);
элиталык (ичин өзү жасап алган) — 74 500 (35 000 - 105 000).
Үч бөлмөлүү батирлердин орточо баасы:
104-серия — 73 500 (64 500 - 88 000 доллар арасы);
105-серия — 82 500 (51 000 - 105 000);
106-серия — 84 000 (46 000 - 105 000);
"хрущевка" — 55 100 (52 000 - 75 500);
индивидуалдуу типтегилер — 78 800 (53 000 - 200 000);
элиталык (ичин өзү жасап алган) — 91 000 (54 000 - 216 000).
Биз сатуучулар тарабынан айтылган бааларды көрсөтөбүз, бул акыркы баа дегенди түшүндүрбөйт. Мындан тышкары, орточо баага бир же бир нече батирдин баасы таасир этиши мүмкүн.
