https://sputnik.kg/20240528/akshnyn-sogushtagy-zhenishi-rf-zhoobu-1085551318.html
Байден Экинчи дүйнөлүк согуштагы жеңишке АКШ жалгыз жеткенин айтты. РФтин жообу
Байден Экинчи дүйнөлүк согуштагы жеңишке АКШ жалгыз жеткенин айтты. РФтин жообу
Sputnik Кыргызстан
Бүгүн Америка өзүнүн антифашисттик өтмүшүн жокко чыгарып отурганы белгиленди. 28.05.2024, Sputnik Кыргызстан
2024-05-28T15:24+0600
2024-05-28T15:24+0600
2024-05-28T15:24+0600
дүйнөдө
россия
акш
экинчи дүйнөлүк согуш
жо байден
буу
владимир путин
жоокер
эрдик
https://sputnik.kg/img/07e8/05/1c/1085548965_483:74:2611:1271_1920x0_80_0_0_0fa404f7dbee63b46dc7617a80e1d9e1.jpg
БИШКЕК, 28-май — Sputnik. АКШнын соңку президенттери тарыхый ревизионизм менен жабыркап келишет. Мындай билдирүүнү Россия Тышкы иштер министрлиги Жо Байдендин Экинчи дүйнөлүк согушта АКШ жалгыз жеңишке жетишкени тууралуу айтканына жооп кылып таратты. ЖМКлардын маалыматтарында Байден Улуттук эскерүү күнүнө карата кайрылуу жасап, Экинчи дүйнөлүк согуш учурунда америкалык жоокерлер Европаны бошотуп, "дүйнөнү сактап калганын" айткан. СССР жана башка мамлекеттердин Жеңиш үчүн кошкон салымы тууралуу сөз болгон эмес.Ведомство төрт жыл мурун Россия менен АКШнын лидерлери (Владимир Путин менен Дональд Трамп) Эльбадагы жолугушуунун 75 жылдыгына карата билдирүү жасашканан эске салган. Анда президенттер бул тарыхый окуя "Бириккен Улуттардын 1942-жылдагы Декларациясынын алкагында бириккен көптөгөн мамлекеттер менен элдердин болуп көрбөгөндөй аракетинин туу чокусу" болуп калганын белгилешкен."Ак үйдүн азыркы ээси өзүнөн мурунку адамдын "фашизмди чогуу талкалагандардын эрдигине таазим кылабыз. Алардын баатырдыгы эч качан унутулбайт" деген сөзүн кайталоого жөндөмсүз сыяктуу. Киевдеги неонацисттик режимди колдогондордун оозунан мындай сөздүн чыгышы деле күмөн. Бүгүн Америка өзүнүн антифашисттик өтмүшүн жокко чыгарып отурат", — деп айтылат билдирүүдө.Ал арада Россия АКШсы жок деле союздаштардын 1945-жылдагы Жеңишин эскере берери белгиленди. 9-май күнү Кызыл аянтта өткөн Жеңиш парадында сүйлөгөн РФ президенти Владимир Путиндин сөзү буга ачык далил.
https://sputnik.kg/20240509/putin-ata-mekendik-sogushtagy-sssr-elderinin-salymy-tuuraluu-1084971391.html
акш
Sputnik Кыргызстан
media@sputniknews.com
+74956456601
MIA „Rossiya Segodnya“
2024
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
дүйнөдө, россия, акш, экинчи дүйнөлүк согуш, жо байден, буу, владимир путин, жоокер, эрдик
дүйнөдө, россия, акш, экинчи дүйнөлүк согуш, жо байден, буу, владимир путин, жоокер, эрдик
Байден Экинчи дүйнөлүк согуштагы жеңишке АКШ жалгыз жеткенин айтты. РФтин жообу
Бүгүн Америка өзүнүн антифашисттик өтмүшүн жокко чыгарып отурганы белгиленди.
БИШКЕК, 28-май — Sputnik. АКШнын соңку президенттери тарыхый ревизионизм менен жабыркап келишет. Мындай билдирүүнү
Россия Тышкы иштер министрлиги Жо Байдендин Экинчи дүйнөлүк согушта АКШ жалгыз жеңишке жетишкени тууралуу айтканына жооп кылып таратты.
ЖМКлардын маалыматтарында Байден Улуттук эскерүү күнүнө карата кайрылуу жасап, Экинчи дүйнөлүк согуш учурунда америкалык жоокерлер Европаны бошотуп, "дүйнөнү сактап калганын" айткан. СССР жана башка мамлекеттердин Жеңиш үчүн кошкон салымы тууралуу сөз болгон эмес.
"Мезгил америкалык президенттер институтун дегеле аябай койду. Экинчи дүйнөлүк согушка катышкан лидерлердин мууну кетти (Дуайт Эйзенхауэр, Жон Фицджералд Кеннеди), алар Үчүнчү рейхти кыйратууга Советтер Союзунун чечүүчү салымы тууралуу унчукпай коюуга жол беришмек эмес. Бул муун Франклин Делано Рузвельттин Кызыл армиянын дарегине айтылган суктануусун, ыраазычылыгын жакшы билчү", — деп айтылат ТИМдин билдирүүсүндө.
Ведомство төрт жыл мурун Россия менен АКШнын лидерлери (Владимир Путин менен Дональд Трамп) Эльбадагы жолугушуунун 75 жылдыгына карата билдирүү жасашканан эске салган. Анда президенттер бул тарыхый окуя "Бириккен Улуттардын 1942-жылдагы Декларациясынын алкагында бириккен көптөгөн мамлекеттер менен элдердин болуп көрбөгөндөй аракетинин туу чокусу" болуп калганын белгилешкен.
"Ак үйдүн азыркы ээси өзүнөн мурунку адамдын "фашизмди чогуу талкалагандардын эрдигине таазим кылабыз. Алардын баатырдыгы эч качан унутулбайт" деген сөзүн кайталоого жөндөмсүз сыяктуу. Киевдеги неонацисттик режимди колдогондордун оозунан мындай сөздүн чыгышы деле күмөн. Бүгүн Америка өзүнүн антифашисттик өтмүшүн жокко чыгарып отурат", — деп айтылат билдирүүдө.
Ал арада Россия АКШсы жок деле союздаштардын 1945-жылдагы Жеңишин эскере берери белгиленди. 9-май күнү Кызыл аянтта өткөн Жеңиш парадында сүйлөгөн РФ президенти Владимир Путиндин сөзү буга ачык далил.
"Россия эч убакта экинчи фронттун орду менен союздаштардын жардамын четке кагып, маанисин төмөндөткөн эмес. Антигитлердик коалициянын, Француз каршылыгынын жоокерлеринин, партизандардын, Япониянын милитаристтик агрессиясына каршы согушкан Кытай элинин эрдиги жүрөгүбүздө сакталуу. Жалпы күрөшүбүз, тилектештиктин улуу салты унуткарылбайт", — деген Путин.
