https://sputnik.kg/20250329/samat-sadykov-kyrgyzstandan-chykkan-sovetter-soyuzunun-baatyry-1092956407.html
Самат Садыков — Кыргызстандан чыккан Советтер Союзунун Баатыры
Самат Садыков — Кыргызстандан чыккан Советтер Союзунун Баатыры
Sputnik Кыргызстан
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган кыргызстандык каарман адамдар тууралуу... 29.03.2025, Sputnik Кыргызстан
2025-03-29T20:07+0600
2025-03-29T20:07+0600
2025-03-29T20:07+0600
улуу ата мекендик согуштагы жеңишке 80 жыл
ссср
улуу ата мекендик согуш
самат садыков
берлин
эрдик
курман болгон
баатыр
наам
https://sputnik.kg/img/07e9/03/1c/1092956110_0:316:716:719_1920x0_80_0_0_d8ce02b3f59fd0dbfccb8bb98b963c70.png
Кенже сержант Самат СадыковАл 1920-жылы 8-майда Кара-Сай (азыркы Лейлек районунун Самат айылы, Баткен облусу) кыштагында дыйкандын үй-бүлөсүндө туулган. 7-классты бүткөндөн кийин колхоздо иштеген.1940-жылы октябрда Кызыл Армияга чакырылат да, 1943-жылы кан күйгөн Улуу Ата Мекендик согушка кирет. Ал 16-гвардиялык атчандар полкунун 1-эскадронунда станоктуу пулемёттун наводчиги жана топтун командири болгон. 4-гвардиялык атчандардын Кызыл Туулуу Мозырь дивизиясында кызмат өтөгөн.Десна дарыясын кечип өтүп, Днепрдеги плацдармды кеңейтүүгө, ошондой эле Беларустун, Польшанын жана Германиянын аймагындагы салгылаштарга катышкан.Садыков согуш учурунда 300гө чукул немецтик аскерди, анын ичинен эки майорду, 15тей офицерди жок кылган. 12 автоунааны атып талкалап, жетисин өрттөгөн, ок бүрккөн 10 уюктун "жаагын жап кылган". Польшанын аймагындагы Бромберг (Быдгощ) үчүн салгылашта ал темир жолго пулемет орнотуп, взводдун каптал жагынан орун алып, душмандын 15ке чукул жоокерин зыянга учураткан. Андан соң каршылаштын аткылап жаткан жерин мээлеп, оор үч, жеңил беш пулеметун, дагы 30дай аскерин жок кылган. Ал башынан жаракат алып, акырына чейин туруп кармашкан.Самат Садыков 1945-жылы 1-майда, Жеңишке бир нече күн калганда кезектеги операцияда курман болгон. Тилекке каршы, Фризак шаарынын кире беришиндеги Бредиков таяныч пунктун алуу боюнча жасалган Берлин операциясы анын өмүрүн алып кеткен.СССРдин Жогорку Кеңешинин президиумунун жарлыгы менен 1945-жылы 31-майда "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн" Самат Садыковго курман болгондон кийин Советтер Союзунун Баатыры наамы, Ленин ордени, Алтын Жылдыз медалы ыйгарылган.Андан сырткары, Кызыл Туу, I даражадагы Ата Мекендик согуш ордендерине, Эрдик медалдарына (2) татыган.Советтер Союзунун Баатыры Самат Садыковдун жаркын элесин сактап жүрүү максатында Кара-Сай мектебине анын ысымы берилген. Киндик каны тамган айылына бюсту орнотулуп, ал жердеги мектеп да баатырдын атын алып жүрөт.
https://sputnik.kg/20250326/aleksandr-romanyutin-kyrgyzstandan-chykkan-sovetter-soyuzunun-baatyry-1092898153.html
ссср
берлин
Sputnik Кыргызстан
media@sputniknews.com
+74956456601
MIA „Rossiya Segodnya“
2025
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
ссср, улуу ата мекендик согуш, самат садыков, берлин, эрдик, курман болгон, баатыр, наам
ссср, улуу ата мекендик согуш, самат садыков, берлин, эрдик, курман болгон, баатыр, наам
Самат Садыков — Кыргызстандан чыккан Советтер Союзунун Баатыры
Sputnik Улуу Ата Мекендик согуштагы Жеңиштин 80 жылдыгына карата майданда эрдик көрсөтүп Баатыр наамы ыйгарылган кыргызстандык каарман адамдар тууралуу баяндоосун улантат.
Кенже сержант Самат Садыков
Ал 1920-жылы 8-майда Кара-Сай (азыркы Лейлек районунун Самат айылы, Баткен облусу) кыштагында дыйкандын үй-бүлөсүндө туулган. 7-классты бүткөндөн кийин колхоздо иштеген.
1940-жылы октябрда Кызыл Армияга чакырылат да, 1943-жылы кан күйгөн Улуу Ата Мекендик согушка кирет. Ал 16-гвардиялык атчандар полкунун 1-эскадронунда станоктуу пулемёттун наводчиги жана топтун командири болгон. 4-гвардиялык атчандардын Кызыл Туулуу Мозырь дивизиясында кызмат өтөгөн.
Десна дарыясын кечип өтүп, Днепрдеги плацдармды кеңейтүүгө, ошондой эле Беларустун, Польшанын жана Германиянын аймагындагы салгылаштарга катышкан.
Садыков согуш учурунда 300гө чукул немецтик аскерди, анын ичинен эки майорду, 15тей офицерди жок кылган. 12 автоунааны атып талкалап, жетисин өрттөгөн, ок бүрккөн 10 уюктун "жаагын жап кылган". Польшанын аймагындагы Бромберг (Быдгощ) үчүн салгылашта ал темир жолго пулемет орнотуп, взводдун каптал жагынан орун алып, душмандын 15ке чукул жоокерин зыянга учураткан. Андан соң каршылаштын аткылап жаткан жерин мээлеп, оор үч, жеңил беш пулеметун, дагы 30дай аскерин жок кылган. Ал башынан жаракат алып, акырына чейин туруп кармашкан.
Самат Садыков 1945-жылы 1-майда, Жеңишке бир нече күн калганда кезектеги операцияда курман болгон. Тилекке каршы, Фризак шаарынын кире беришиндеги Бредиков таяныч пунктун алуу боюнча жасалган Берлин операциясы анын өмүрүн алып кеткен.
СССРдин Жогорку Кеңешинин президиумунун жарлыгы менен 1945-жылы 31-майда "немецтик-фашисттик баскынчылар менен кармашта командачылыктын согуштук тапшырмаларын үлгүлүү аткаргандыгы жана эрдиги, каармандыгы үчүн" Самат Садыковго курман болгондон кийин Советтер Союзунун Баатыры наамы, Ленин ордени, Алтын Жылдыз медалы ыйгарылган.
Андан сырткары, Кызыл Туу, I даражадагы Ата Мекендик согуш ордендерине, Эрдик медалдарына (2) татыган.
Советтер Союзунун Баатыры Самат Садыковдун жаркын элесин сактап жүрүү максатында Кара-Сай мектебине анын ысымы берилген. Киндик каны тамган айылына бюсту орнотулуп, ал жердеги мектеп да баатырдын атын алып жүрөт.
