Педикулез же жөн эле бит басуу — бул жугуштуу дарт. Ал адамдын денесинде биттин үч түрүнүн пайда болушунан козголот. Бит айрым олуттуу ооруларды алып жүргөндүктөн, педикулез коркунучтуу дарт болуп эсептетет.
— Битти көбүнчө кайдан жуктуруп алышат?
— Балдар көбүнесе бала бакчадан, чоңдор коомдук унаадан "ала келишет". Бир эле бит түшсө болду, дарт илээшти дей бериңиз. Себеби паразит өз жумурткасын — сирке таштап, андан тез эле жаңылары чыгат.
— Бит эмнеси менен коркунучтуу?
— Биринчиден, мунун өзү эле жагымсыз нерсе. Алар үй жаныбары эмес да, багып алгыдай. Педикулез күчөп кетсе, адам бир нече ай бою андан арыла албай кыйналат. Анын үстүнө бит дары-дармекке бат ылайыкташып, көнүп алат. Демек, паразиттер денеде да пайда болот. Жаман жери, баштын бити кийимге жукчу канаты жок түрүн пайда кыла алат. Ал өзүнүн түзүлүш өзгөчөлүгүнө байланыштуу дайыма чачтын арасында жашай албайт. Бит кийимге кыпчуурлары менен жабышып, жакшы ыңгайлашып алат. Мындай абалга жеткирбеш үчүн өз убагында дарыланган оң.
— Аны кантип дарылайт?
— Биттеп өлүп калдыбы?
— Жок, биттен эмес, аны дарылагандан. Апасы катуу чара көрөм деп, денесинин жабыркаган жерлерине сымап сүйкөгөн экен… Алгач бөйрөгү иштебей калып, анан бала көз жумган.
— Педикулез кандай кесепеттерге алып келиши мүмкүн?
— Бит чакканда дене дүүлүгүп, адам муну көп көтөрө албайт. Тырманып атып жара кылат. Канталаган жерге кир-чаң, паразиттин заңы кирет. Жарага инфекция да жугушу ыктымал. Мындай сезгенүүлөрдү биттин өзүнөн арылгандан кийин дарылаган учурлар көп. Андан да чач түшүп калышы мүмкүн. Көп тарай бергенден чачтын тамыры аябай жабыркагандыктан, жөн эле күбүлүп калган учурлар болот.
